Փաստաբան Նիկա Գվարամիան Ռուսթավի քրեակատարողական հիմնարկում այցելել է Վրաստանի նախկին նախագահ Միխեիլ Սաակաշվիլիին։

Ինչպես հաստատությունից դուրս գալուց հետո լրագրողներին ասել է Գվարամիան, տեղափոխման ընթացքում բռնություն չի եղել։ Նիկա Գվարամիան ասում է, որ Սաակաշվիլին բավականին թույլ տեսք ունի։

«Ֆիզիկական բռնություն չի եղել։ Սաակաշվիլին շատ թույլ էր, նրան շատերն էին այցելում, սայլակով այցելում էին, նստեցնում էին սայլակին։ Նա դիմադրելու ունակ չէր։ Ինչպես նա ինձ ասաց, ինքը հասկացել է, որ հուզված վիճակում կարող էր վատանալ, ուստի չդիմադրեց»,- ասել է Նիկա Գվարամիան։

Միաժամանակ, ինչպես նշել է Գվարամիան, այս փուլում գլխավոր խնդիրն է «Սաակաշվիլիին դուրս բերել վրացական քրեակատարողական համակարգից»։

«Այս իրավիճակը պետք է ավարտվի Սաակաշվիլիի հեռացմամբ այս քրեակատարողական համակարգից։ Այս փուլում խնդիր է դրված Սաակաշվիլիին դուրս բերել այս հիմնարկից, վրացական քրեակատարողական համակարգից ընդհանրապես, լինի դա հիվանդանոցային քրեակատարողական համակարգ, թե իրական քրեակատարողական հիմնարկ։ Հեռացումն անպայման տեղի կունենա»,- ասել է Նիկա Գվարամիան։