Մենք սկսում ենք արշավ ամբողջ Վրաստանում՝ «Վրաստանն արժանի է ավելի լավին», – այս մասին խորհրդարանի մոտ կայացած հանրահավաքում հայտարարել է «Ընդդիմադիր դաշինքի» առաջնորդներից մեկը՝ Նիկա Գվարամիան։

Ըստ Գվարամիայի, այս արշավը պետք է ավարտվի նոր, ժողովրդավարական ընտրություններով։

«Մենք պետք է այս քարոզարշավն ավարտենք նոր ժողովրդավարական ընտրություններով, մենք պետք է Բիձինա Իվանիշվիլիին և նրա ամոթալի հակավրացական ռեժիմը նետենք աղբամանը։ Այո՛, Վրաստանն արժանի է ավելի լավին։ Ես կցանկանայի ողջունել այս հանրահավաքի անտեսանելի մասնակիցներին, վրացի քաղբանտարկյալներին, բոլորին՝ առանց բացառության՝ 2023 թվականին ձերբակալվածներին, 2024 թվականին ձերբակալվածներին, 2025 թվականին հոկտեմբերի 4-ին ձերբակալվածներին, բոլոր նրանց, ովքեր հայրենասեր են և անարդար պատիժ են կրում Վրաստանի համար։ Ես կցանկանայի ողջունել այս հանրահավաքի անտեսանելի մասնակիցներին, վրացի արտագաղթողներին, ովքեր, այո՛, կանգնած են այստեղ հիմա և ովքեր արդեն տեսանելիորեն կանգնած կլինեն, երբ Բիձինա Իվանիշվիլին այլևս այս երկրում չլինի։ Եվ վերջապես, ես կցանկանայի ողջունել ձեզ՝ այս երկրի ապագային, այս երկրի լավագույն զավակներին», – ասաց Նիկա Գվարամիան։