Վրաստանի ՆԳ նախարարության արտակարգ իրավիճակների կառավարման ծառայության հրշեջներն ու փրկարարները շարունակաբար իրականացնում են լուծարման և փրկարարական միջոցառումներ Թուրքիայի Հանրապետությունում տեղի ունեցած երկրաշարժից հետո։

Ինտենսիվ և դժվարին փրկարարական աշխատանքների արդյունքում վրացի հրշեջ-փրկարարների կողմից փլատակների տակ հայտնաբերված երեք հոգի փրկվել են, որոնցից մեկին փլատակների տակ հայտնաբերել է փրկարար շունը։

Վրաստանի փրկարարական խումբը Ադիաման քաղաքի երկու հատվածում փրկարարական գործողություն է իրականացնում։

Ստեղծվել է հատուկ խումբ, որի հիմնական խնդիրն է արագ արձագանքել ավերակներում հայտնաբերված կենդանի քաղաքացիների մասին տեղեկատվությանը։

Բացի այդ, տեղում գործում է դաշտային շտաբ, որը մշտական ​​համակարգման մեջ է Ադիյաման քաղաքի օպերատիվ կառավարման կենտրոնի հետ։

Վրաստանի վարչապետի որոշմամբ՝ վրացական փրկարարական ջոկատը ներգրավված է Թուրքիայում ավերիչ երկրաշարժի հետևանքների վերացման և փրկարարական միջոցառումներում։

Տեղեկությունը տարածում է Վրաստանի ՆԳ նախարարության մամուլի ծառայությունը։