Հեռուստահաղորդավար Լաշա Նակաիձեն կալանավորվել է Քրեական օրենսգրքի երեք հոդվածների հիման վրա։

ՆԳՆ-ի տվյալներով՝ Նակաիձեի նկատմամբ հետաքննությունն անցկացվում է ընտանեկան բռնության, բռնաբարության և ընտանիքի անդամին սպառնալու մեղադրանքով։

«ՆԳՆ ծառայողները քննչական գործողությունների արդյունքում մեկ անձի ձերբակալել են Քրեական օրենսգրքի 126 Պրիմա հոդվածի առաջին մասով, 137 հոդվածի առաջին մասով և 151-րդ հոդվածի երկրորդ մասի «դ» ենթարկետով»,- ասում են ՆԳՆ-ում։

Լաշա Նակաիձեն վարում էր առավոտյան հաղորդում «Մթավարի ալիքում»։ Իրավապահները երեկ նրան ձերբակալել են։ Ըստ առկա տեղեկությունների՝ տուժող կինն ինքն է դիմել ոստիկանություն։

Բացի այդ, «Մթավարի ալիքը» հայտարարություն է տարածում Լաշա Նակաիձեի ձերբակալության վերաբերյալ։

«Մթավարի ալիքը» դատապարտում և զերծ է մնում բոլոր տեսակի բռնություններից, հատկապես, երբ խոսքը վերաբերում է տղամարդկանց կողմից կանանց նկատմամբ բռնությանը, որը ոչ մի դեպքում արդարացված չէ։

«Մթավարի ալիքի» աշխատակիցներից մեկը ոստիկանությանը հայտնել է 2022 թվականի օգոստոսի 15-ին տեղի ունեցածի մասին, որից հետո տուժած կինը բուժզննում է անցել, հարցաքննել, իսկ Լաշա Նակաիձեն նրա ցուցմունքի հիման վրա ձերբակալվել է։

Ելնելով Նակաիձեին առաջադրված մեղադրանքի լրջությունից՝ «Մթավարի ալիքն» իրեն պարտավոր է համարում դադարեցնել նրա հետ ցանկացած տեսակի համագործակցություն, սակայն եթե նրա հանցանքը չապացուցվի, հեռուստաալիքը կվերանայի Լաշա Նակաիձեի հետ գործարար հարաբերությունները վերականգնելու հնարավորությունը»,- ասվում է «Մթավարի ալիքի» հայտարարության մեջ։