Սաուդյան Արաբիայից ժամանած քույրերը համաձայնել են անցնել ապաստան փնտրողի գործընթացները,- այս մասին ասվում է Վրաստանի ներքին գործերի նախարարության հայտարարությունում:

«Ինչպես հայտնի է հանրությանը, Սաուդյան Արաբիայի քաղաքացիներ, Մահա և Վաֆա Ալ-Սուբայ քույրերը սոցիալական ցանցի միջոցով տարածել են տեսաուղերձ, որտեղ հայտարարում էին, որ նրանք գտնվում էին Վրաստանում:

Նշված անձինք նաև հայտարարում են, որ նրանց վտանգ է սպառնում սեփական ընտանիքի անդամներից:

Ներքին գործերի նախարարության միգրացիայի դեպարտամենտի աշխատակիցները գտնվում էին հասցեով, որտեղ ժամանակավորապես ապրում են Մահա և Վաֆա Ալ-Սուբայ քույրերը:

Ներքին գործերի նախարարության միգրացիայի դեպարտամենտի աշխատակիցների կողմից տեղեկություն փոխանցելու և համապատասխան մեկնաբանություններ ստանալուց հետո, նշված անձինք համաձայնեցին տեղափոխվել  միգրացիայի դեպարտամենտի փախստականների հարցերի վարչության կենտրոն՝ ապաստան փնտրողների համար Վրաստանի օրենսդրությամբ հաշվի առնված գործընթացներն անցնելու նպատակով:

Պարզաբանենք նաև, որ այն ընտանիքի անդամները, որոնց մասին խոսում էին քույրերը, որ վտանգ է սպառնում, Վրաստանում չեն գտնվում»,- ասվում է ՆԳՆ-ի հայտարարությունում: