Ռիկոթիի լեռնանցքում ավտոմոբիլային երթեւեկությունը աստիճանաբար վերականգնվել է,- նշվում է Վրաստանի ՆԳՆ հայտարարության մեջ։

«Բարդ օդերեւութաբանական պայմանների պատճառով ողջ գիշեր ինտենսիվ աշխատանքներ են իրականացվել Թբիլիսի-Սենակի-Լեսելիձե ավտոճանապարհի 132-163 կմ-ին։

Խոչընդոտված երթեւեկությունը ժամանակին ապաշրջափակելու և քաղաքացիներին անվտանգ տեղափոխելու համար տեղում մոբիլիզացվել են ՆԳՆ տարբեր ստորաբաժանումների ներկայացուցիչները և ԱԻ փրկարար ծառայության աշխատակիցները։

Տարածաշրջանային զարգացման և ենթակառուցվածքների նախարարության ճանապարհների վարչության աշխատակիցները ծանր տեխնիկայի օգնությամբ ողջ գիշեր իրականացրել են ճանապարհի ձնից ինտենսիվ մաքրման աշխատանքներ։

Մինչ այժմ տեղում աշխատանքային գործընթացը ղեկավարում են պարեկային ոստիկանության վարչության տնօրեն Վաժա Սիրաձեն և Իմերեթիում պետական ​​հանձնակատար Զվիադ Շալամբերիձեն»,- ասված է ՆԳՆ հաղորդագրության մեջ։