Վրաստանի ներքին գործերի նախարարության Քրեական ոստիկանության դեպարտամենտի, կազմակերպված հանցավորության դեմ պայքարի վարչության աշխատակիցները, խարդախության մեղադրանքով՝ դատավորի որոշման հիման վրա ձերբակալել են 1974 թվականին ծնված, նախկինում դատապարտված և ներկայումս պայմանական ազատազրկման մեջ գտնվող Կ.Թ.-ին։

Ըստ ՆԳՆ-ի՝ հանցանքը պատժվում է վեցից ինը տարի ազատազրկմամբ։

Հետաքննությամբ պարզվել է, որ մեղադրյալը 7000 ԱՄՆ դոլարի դիմաց խոստացել է Վրաստանի քաղաքացիներին Մեքսիկայով ապօրինի տեղափոխել Ամերիկայի Միացյալ Նահանգների տարածք, նրանցից նախապես վերցրել է գումարը և չի կատարել խոստումները։

Ընդհանուր առմամբ, Կ.Թ.-ն հանցավոր արարքի արդյունքում խաբեությամբ յուրացրել է քաղաքացիներին պատկանող 23900 ԱՄՆ դոլարը և 2600 եվրոն։

«Հետաքննությունն իրականացվում է Վրաստանի քրեական օրենսգրքի 180-րդ հոդվածի երրորդ մասի «բ» ենթակետով, որը ենթադրում է խոշոր չափի խարդախություն»,- նշվում է տեղեկատվության մեջ։