Վրաստանի ներքին գործերի նախարարության Թբիլիսիի ոստիկանության վարչության աշխատակիցների կողմից իրականացված օպերատիվ-հետախուզական գործողությունների արդյունքում լրագրողի մասնագիտական գործունեությանը բռնության սպառնալիքով, ապօրինի խոչընդոտման, բռնության և բռնության սպառնալիքով հետապնդման և խմբակային բռնության փաստերով ձերբակալվել է ևս մեկ մարդ՝ 1991 թվականին ծնված Գ.Գ.-ն:

Գերատեսչության տվյալներով, հետաքննությունը պարզել է, որ մեղադրյալ Գ.Գ-ն հուլիսի 5-ին՝ «Tbilisi Pride»-ի դեմ ցույցի ժամանակ ֆիզիկական և բանավոր վիրավորանք է հասցրել «TV Pirveli»-ի հեռուստաընկերության օպերատորին:

Քննությունը շարունակվում է Վրաստանի քրեական օրենսգրքի 154-րդ հոդվածի 2-րդ մասով, 156-րդ հոդվածի 2-րդ մասի «ա» ենթակետով և 225-րդ հոդվածի 2-րդ մասով:

«Հուլիսի 5-6-ը տեղի ունեցած հանրահավաքների ընթացքում լրագրողի մասնագիտական գործունեությանը բռնության սպառնալիքով, ապօրինի խոչընդոտման, բռնության և բռնության սպառնալիքով հետապնդման և խմբակային բռնության փաստերով ձերբակալվել է 29 անձ, մասնավորապես. Լրագրողի մասնագիտական գործունեությանը բռնության սպառնալիքով, ապօրինի խոչընդոտման, բռնության և բռնության սպառնալիքով հետապնդման փաստերով ձերբակալվել է 25 անձ

3 անձ ձերբակալվել է «Tbilisi Pride»-ի գրասենյակ ներխուժելու, խմբակային բռնությանը մասնակցելու, բռնությամբ կամ բռնության սպառնալիքներով հետապնդելու, ինչպես նաև բնակարանի կամ այլ գույքի անձեռնմխելիության խմբային խախտման համար.

Ոստիկանությունը ձերբակալել է մեկ անձի՝ քաղաքացու նկատմամբ բռնություն գործադրելու համար:

Ձեռնարկվում են քննչական-օպերատիվ միջոցառումներ հանցագործության մեջ ներգրավված այլ անձանց հայտնաբերելու եւ ձերբակալելու ուղղությամբ», – ասացին ՆԳՆ-ից: