Ներքին գործերի նախարարության Թբիլիսիի ոստիկանության վարչության Հին Թբիլիսիի գլխավոր բաժնի աշխատակիցները ձերբակալել են 2011 թվականից հետախուզման մեջ գտնվող 1988 թվականին ծնված Ի.Ա.-ին՝ կանխամտածված սպանության և զենքի ապօրինի գնման-պահման համար: Այս մասին տեղեկատվություն է տարածում ՆԳ նախարարությունը:

Գերատեսչության տվյալներով, հետաքննության արդյունքում պարզվել է, որ Ի.Ա.-ն և նրա հանցակիցները 2011 թվականի հոկտեմբերի 17-ին Թբիլիսիում, Ռուսթավելու պողոտայում, վրեժ լուծելու նպատակով, հրազենից իրականացված բազմակի կրակոցների հետևանքով կյանքին անհամատեղելի վնասվածնքեր են հասցրել 1988 թվականին ծնված Զ.Տ.-ին: Վիրավոր Զ.Տ.-ն տեղում մահացել է:

«Հանցավոր գործողության համար 2011 թվականի հոկտեմբերի 25-ին հեռակա մեղադրանք է առաջադրվել Ի.Ա.-ին:

Բերման ենթարկված Ի.Ա. տեղափոխվել է քրեակատարողական հիմնարկ», – նշված է ՆԳ նախարարության հայտարարության մեջ: