Ներքին գործերի նախարարությունը կոչ է անում Բաթումիում և Զուգդիդիում բողոքի ցույցերի կազմակերպիչներին, քաղաքական առաջնորդներին և հավաքված քաղաքացիներին հավաքների և արտահայտման ժամանակ պահպանել օրենքի պահանջները և ենթարկվել ոստիկանության օրինական պահանջներին։ Այս մասին ասվում է ՆԳՆ հայտարարության մեջ։

Գերատեսչության տվյալներով՝ Զուգդիդիում ոստիկանությունը երկու, իսկ Աջարիայում չորս հոգու է ձերբակալել՝ ոստիկանության օրինական պահանջին չենթարկվելու փաստով։

«Վրաստանի տարբեր քաղաքներում սակրեբուլոյի նիստերին զուգահեռ բողոքի ցույցեր են անցկացվում։

Օրենքը խախտելու համար ոստիկանությունը երկու հոգու է ձերբակալել Զուգդիդիում, չորսին՝ Աջարիայում։

Ներքին գործերի նախարարության աշխատակիցները հանրահավաքների հետ կապված մնում են մոբիլիզացված և պահպանում են հասարակական կարգը։ Ներքին գործերի նախարարության բոլոր համապատասխան ստորաբաժանումները ներկա են՝ կարգուկանոն պահպանելու համար։

Ներքին գործերի նախարարությունը, որպես կարգուկանոնի պահպանման համար պատասխանատու գերատեսչություն, կոչ է անում հանրահավաքի կազմակերպիչներին, քաղաքական առաջնորդներին և հավաքված քաղաքացիներին, հավաքի և արտահայտվելու ընթացքում պահպանել օրենքի պահանջները և ենթարկվել ոստիկանության օրինական պահանջներին։ Հակառակ դեպքում ոստիկանությունը կգործի իր լիազորությունների շրջանակում, և խախտման յուրաքանչյուր դեպք անհապաղ կկանխվի»,- ասվում է ՆԳՆ հաղորդագրության մեջ։