Ներքին գործերի նախարարության Մցխեթա-Մտիանեթիի ոստիկանության դեպարտամենտի, Մցխեթայի շրջանային բաժնի Մուխրանիի ոստիկանության աշխատակիցները, սոցիալական ցանցերում տարածված տեսագրությունների հիման վրա, հետաքննություն են սկսել հրազենի և զինամթերքի անօրինական ձեռքբերման և պահպանման վերաբերյալ և ձերբակալել երկու անձի՝ 2009 թվականին ծնված Գ.Չ.-ին և 1992 թվականին ծնված Լ.Չ.-ին, որոնք նախկինում դատվածություն են ունեցել: Այս մասին տեղեկատվություն է տարածում Ներքին Գործերի նախարարությունը:

«Ոստիկանության կողմից ձեռք բերված ապացույցները պարզել են, որ Գ.Չ.-ն և Լ.Չ.-ն հրազենից մի քանի անգամ կրակել են օդ:

Իրավապահ մարմինների աշխատակիցների կողմից անցկացված խուզարկության արդյունքում որպես ապացույց առգրավվել է 5 հրազեն և 22 փամփուշտ:

Քրեական գործի նյութերը որոշակի ժամկետում կուղարկվեն դատարան՝ բացահայտված անձանց պատասխանատվության ենթարկելու համար:

Հետաքննությունը շարունակվում է Վրաստանի քրեական օրենսգրքի 236-րդ հոդվածի 3-րդ և 4-րդ մասերով», – ասվում է ՆԳՆ-ի հայտարարության մեջ: