Ներքին գործերի փոխնախարար Ալեքսանդրե Դարախվելիձեի հայտարարության համաձայն՝ հոկտեմբերի 4-ի իրադարձությունների հետ կապված ձերբակալվել է ևս 13 անձ։

Ինչպես այսօր հայտնի դարձավ ՆԳՆ-ում կայացած ճեպազրույցի ժամանակ, ևս երկու անձ գտնվում է ազատության մեջ, ձեռնարկվում են համապատասխան միջոցառումներ նրանց ձերբակալելու համար։

Բացի այդ, ՆԳՆ-ն հայտարարում է, որ շարունակվում են քննչական գործողությունները՝ հանցագործությունը կատարած մյուս անձանց բացահայտելու և նրանց քրեական պատասխանատվության ենթարկելու նպատակով։

«Հոկտեմբերի 4-ին Թբիլիսիում տեղի ունեցած քրեական իրադարձությունների հետաքննությունը շարունակվում է Վրաստանի քրեական օրենսգրքի 317-րդ, 222-րդ, 225-րդ և 187-րդ հոդվածներով։ Հետաքննության շրջանակներում, առաջին փուլում, իրավապահ մարմինների աշխատակիցները բացահայտել են հանցագործությանը մասնակցած 15 անձի, որոնցից 13-ը արդեն ձերբակալվել են դատարանի որոշման հիման վրա։ Դրանք են՝ Թ.Մ., Ա.Ն., Բ.Ժ., Բ.Մ., Ա.Գ., Է.Շ., Գ.Ռ., Վ.Ֆ., Դ.Ս., Մ.Մ., Զ.Խ., Կ.Մ. և Ս.Մ.։ Երկու անձ դեռևս ազատության մեջ է։ Ոստիկանությունը ձեռնարկում է համապատասխան օպերատիվ-հետախուզական միջոցառումներ՝ նրանց գտնվելու վայրը պարզելու և ձերբակալելու համար։ Վրաստանի Ներքին գործերի նախարարության աշխատակիցները շարունակում են համապատասխան քննչական գործողությունները՝ հանցագործության մյուս մեղավորներին բացահայտելու և նրանց քրեական պատասխանատվության ենթարկելու համար, – ասաց Դարախվելիձեն։