ՆԳՆ. Հանրահավաքի բոլոր մասնակիցներին կոչ ենք անում դուրս չգալ օրենքով թույլատրված սահմաններից, ենթարկվել ոստիկանության պահանջներին, կոչ ենք անում քաղաքական առաջնորդներին թույլ չտալ բռնության կոչեր
Վրաստանի ՆԳՆ-ն հայտարարություն է տարածել խորհրդարանի շենքի մոտ տեղի ունեցած հանրահավաքի վերաբերյալ։
Ինչպես նշվում է հայտարարության մեջ, գերատեսչությունը հավաքվածներին կոչ է անում դուրս չգալ օրենքով թույլատրված սահմաններից։
«Ներքին գործերի նախարարության աշխատակիցները մոբիլիզացված են Թբիլիսիում՝ խորհրդարանի շենքի հարևանությամբ, օրենքի նախագծի քննարկմանը զուգահեռ՝ ընթացող ակցիայի հետ կապված, և պաշտպանում են հասարակական կարգը։
Ներքին գործերի նախարարությունը, որպես քաղաքացիների անվտանգության համար պատասխանատու գերատեսչություն, կոչ է անում հանրահավաքի բոլոր մասնակիցներին դուրս չգալ օրենքով թույլատրված հավաքների և արտահայտվելու ազատության շրջանակներից, պահպանել հասարակական կարգի նորմերը և ենթարկվել ոստիկանության օրինական պահանջներին։ Միաժամանակ կոչ ենք անում հանրահավաքի կազմակերպիչներին և քաղաքական առաջնորդներին թույլ չտալ բռնության կոչեր և ապահովել, որ հանրահավաքը չդառնա բռնի։ Ակցիայի ընթացքում օրենքի ցանկացած խախտում օրենքի սահմաններում անհապաղ կկանխվի ոստիկանության կողմից»,- ասված է հաղորդագրությունում։
