Թբիլիսիում, Ռուսթավելի պողոտայում, խորհրդարանի շենքի հարևանությամբ ընթացող հանրահավաքի մասնակիցների բողոքի ակցիան դուրս է եկել խոսքի ազատության և խաղաղ հավաքների ազատության օրենքով սահմանված շրջանակից և ստացել բռնի բնույթ,- ասվում է Վրաստանի ՆԳՆ հայտարարության մեջ։

Գերատեսչության տվյալներով՝ ողջ օրվա ընթացքում ոստիկանները մոբիլիզացված են եղել խորհրդարանի շենքի դիմաց եւ ապահովել բողոքի ակցիայի խաղաղ անցկացումը։

«Երեկոյան՝ լիագումար նիստի ավարտից հետո, հանրահավաքի մասնակիցները փորձել են փակել խորհրդարանի մուտքերից մեկը, ինչը ոստիկանները թույլ չեն տվել։ Միաժամանակ նախարարության աշխատակիցների նկատմամբ բռնության դեպքեր են եղել, այդ թվում՝ իրավապահների ուղղությամբ տարբեր առարկաներ նետել։

«Հանրահավաքի մասնակիցների բռնի գործողությունների արդյունքում տուժել են մի քանի իրավապահներ, վնասվել է ոստիկանական տեխնիկան»,- ասվում է հաղորդագրության մեջ։

Գերատեսչության տվյալներով՝ չնայած ՆԳՆ բազմաթիվ նախազգուշացումներին, հանրահավաքի մասնակիցները շարունակել են իրենց բռնի գործողությունները՝ չենթարկվելով ոստիկանության հրահանգներին, որից հետո ոստիկանությունը, օրենքով իրեն վերապահված լիազորությունների սահմաններում, կիրառել է. համապատասխան ուժ և հատուկ միջոցներ:

«ՆԳՆ-ն, որպես կարգուկանոնի պահպանման համար պատասխանատու գերատեսչություն, ևս մեկ անգամ կոչ է անում բոլոր քաղաքացիներին, հավաքի կազմակերպիչներին և մասնակիցներին պահպանել կարգուկանոնը և ենթարկվել ոստիկանության օրինական պահանջներին։ Ակցիայի ընթացքում օրենքի ցանկացած խախտման կհետևի ոստիկանության անհապաղ արձագանքը և անմիջապես կկանխվի օրենքի սահմաններում»,- ասված է հաղորդագրությունում։