Չիտաձե և Ճիճինաձե փողոցներից դուրս են բերվում ոստիկանական շղթաներ, հանրահավաքի մասնակիցները հնարավորություն կունենան իրենց բողոքն արտահայտել իրենց ուզած վայրում,- այս մասին ասվում է ՆԳ նախարարության հայտարարության մեջ։

Գերատեսչությունը կոչ է անում քաղաքական կուսակցությունների առաջնորդներին, հանրահավաքի կազմակերպիչներին և մասնակիցներին չխախտել օրենքը, բողոք հայտնել խաղաղ իրավիճակում։

«Խորհրդարանի շենքի մոտակայքում մոբիլիզացված են ոստիկանության տարբեր ստորաբաժանումների աշխատակիցներ՝ իրադարձություններն արհեստականորեն սրելու և հասարակական կարգը պաշտպանելու նպատակով։ Իրավապահներն ապահովել են պատգամավորների և խորհրդարանի գրասենյակի աշխատակիցների անվտանգ ելքը օրենսդիր մարմնի շենքից։ Այս պահին Չիտաձե եւ Ճիճինաձե փողոցներից ոստիկանական շղթաներ են հանվում, եւ հանրահավաքի մասնակիցները հնարավորություն կունենան իրենց բողոքն արտահայտել իրենց ուզած վայրում։

Ներքին գործերի նախարարությունը քաղաքական կուսակցությունների ղեկավարներին, հանրահավաքի կազմակերպիչներին և մասնակիցներին հորդորում է չխախտել օրենքը, խաղաղ իրավիճակում բողոքել և բռնի գործողություններ չանել։ Եվս մեկ անգամ դիմում ենք ակցիայի բոլոր մասնակիցներին, որ չի կարելի փակել վարչական մարմինների մուտքերը, ինչպես նաև կաթվածահար անել մայրուղիները։ Ոստիկանությունն անմիջապես կկանխի օրենքի ցանկացած խախտում, իսկ հասարակական կարգը խախտողների նկատմամբ կձեռնարկվեն օրենքով նախատեսված միջոցներ»,- ասված է հաղորդագրությունում։