New York Times. Էնթոնի Բլինկենը պատրաստ չէ ճանաչել Ռուսաստանը որպես ահաբեկչության հովանավոր
Ինչպես գրում է «New York Times»-ը, ԱՄՆ պետքարտուղար Էնթոնի Բլինկենը պատրաստ չէ Ռուսաստանը ճանաչել որպես ահաբեկչության հովանավոր պետություն։
Հրատարակության համաձայն՝ Բլինկենը մտավախություն ունի, որ Ռուսաստանին ահաբեկչության պետական հովանավորի կարգավիճակ տալը կստիպի ԱՄՆ-ին պատժամիջոցներ կիրառել որոշ դաշնակից պետությունների նկատմամբ, որոնք գործարար հարաբերություններ ունեն Ռուսաստանի Դաշնության հետ։
Սակայն, Բլինկենի կարծիքով, ահաբեկչությանը աջակցող երկրի կարգավիճակ տալու դեպքում դժվար կլինի Ռուսաստանի հետ դիվանագիտական հարաբերությունները պահպանել նույնիսկ նվազագույն մակարդակով։
Հիշեցնենք, որ այս շաբաթ ԱՄՆ Սենատը միաձայն պաշտպանել է բանաձեւը, որը կոչ է անում ԱՄՆ Պետդեպարտամենտին Ռուսաստանը ճանաչել որպես ահաբեկչության հովանավոր՝ Չեչնիայում, Սիրիայում, Վրաստանում և Ուկրաինայում Ռուսաստանի կատարած հանցագործությունների պատճառով։