Վրաստանի ՆԳՆ Թբիլիսիի ոստիկանության բաժանմունքի աշխատակիցները օպերատիվ տվյալների հիման վրա ձեռնարկված քննչական գործողությունների արդյունքում Թբիլիսիում ձերբակալել են մեկ անձի՝ 1961 թվականին ծնված Դ.Կ.-ին:

Ըստ ՆԳՆ-ի՝ նա մեղադրվում է ապօրինի հրազեն, ռազմամթերք գնելու, պահելու և կրելու մեջ։

«Հանցագործությունները պատժվում են 3-ից 7 տարի ազատազրկմամբ։

Իրավապահ մարմինների աշխատակիցները ձերբակալվածի անձնական խուզարկության ժամանակ որպես ապացույց առգրավել են «Բրաունինգ» տիպի հրաձգային ատրճանակ և մեկ պարկուճ։

Թբիլիսիում մեղադրյալի բնակության վայրում կատարված խուզարկության արդյունքում, օպերատիվ տվյալների հիման վրա, ոստիկանները որպես ապացույց առգրավել են նաև՝ ձեռագործ ատրճանակ, սղոցված որսորդական հրացան, մարտական ​​հրացան, «Winchester» տեսակի հրազեն, գնդացիրի դետալ, վեց որսորդական հրացան, յոթ տարբեր տեսակի ձեռքի նռնակներ, ավտոմատ հրաձգային զենքի երկու փական և երկու պայթուցիչ, 1380 պարկուճ տարբեր տեսակի հրազենի համար։

Ապօրինի հրազեն և ռազմամթերք գնելու, պահելու և կրելու փաստերով հետաքննությունը տարվում է Վրաստանի Քրեական օրենսգրքի 236-րդ հոդվածի 3-րդ և 4-րդ մասերով»,- ասված է ՆԳՆ հաղորդագրության մեջ։