Մետեխի կամրջի մոտ տեղի ունեցած միջադեպի վերաբերյալ հարցաքննվել են միջադեպին ներգրավված բոլոր երեք անձինք, -նշվում է ՆԳՆ հաղորդագրության մեջ։

ՆԳՆ-ի տվյալներով՝ դեպքի առթիվ շարունակվում են համապատասխան քննչական գործողությունները՝ հանցագործության մեջ մեղադրվող անձանց ինքնությունը պարզելու և նրանց քրեական պատասխանատվության ենթարկելու նպատակով։

«ՆԳՆ աշխատակիցները գիշերը ինտենսիվ քննչական գործողություններ են իրականացրել Մետեխի կամրջի մոտ տեղի ունեցած միջադեպի վերաբերյալ։

Իրավապահ մարմինների աշխատակիցները հարցաքննել են միջադեպին ներգրավված բոլոր երեք կողմերին, որոնք բախումը կապում են «Ազգային շարժման» անդամների և տաճարի աշխատակիցների միջև տեղի ունեցած վեճի հետ, որին մասնակցել են շրջակա տարածքում գտնվող ռեստորանից դուրս եկող անձինք։

Վեճը վերածվել է ֆիզիկական բախման, որի արդյունքում մի քանի մարդ ստացել է տարբեր տեսակի մարմնական վնասվածքներ։

Քննության այս փուլում ստացված ցուցմունքները հաստատում են, որ կռվին մասնակցել են Իգոր Նարմանիայի հետ գտնվող տասը երիտասարդներից ավելի և տաճարի ծառայողների կողմից պաշտպանված երկու երիտասարդներ։ Սա հաստատում է նաև Ի. Նարմանիային ուղեկցող երիտասարդներից մեկի ցուցմունքը։

Դեպքում շարունակվում են համապատասխան քննչական գործողությունները՝ հանցագործության մեջ մեղադրվող անձանց բացահայտելու և նրանց քրեական պատասխանատվության ենթարկելու նպատակով։

Քննությունը տարվում է Քրեական օրենսգրքի 126-րդ հոդվածով, որը վերաբերում է խմբի կողմից կատարված բռնությանը», – ասվում է ՆԳՆ հաղորդագրության մեջ։