Ներքին գործերի նախարարության կենտրոնական քրեական ոստիկանության վարչության աշխատակիցները առանձնապես խոշոր չափերով թմրամիջոցների ապօրինի ձեռքբերման, պահման և իրացմանն օժանդակելու մեղադրանքով ձերբակալել են երկու անձի։

«Իրավապահները մեղադրյալների բնակելի տան և ավտոմեքենաների խուզարկության արդյունքում որպես իրեղեն ապացույց առգրավել են իրացման համար պատրաստված մինչև 4 լիտր «ալֆա-ՊՎՊ» թմրամիջոց պարունակող հեղուկ և նույն տեսակի թմրամիջոցից կազմված 16 փաթեթ։ Քննչական գործողությունների ընթացքում ոստիկանության կողմից առգրավվել են նաև թմրամիջոցների փաթեթավորման համար անհրաժեշտ նյութեր», – նշված է ՆԳՆ-ի տեղեկատվության մեջ։

Քննությունը իրականացվում է Քրեական օրենսգրքի 260-րդ և 260-րդ քվարտա հոդվածներով, որոնք նախատեսում են մինչև 20 տարվա կամ ցմահ ազատազրկում։