Գուրիայի շրջանի ՆԳՆ Արտակարգ իրավիճակների կառավարման ծառայության հրշեջներն ու ոստիկանական ուժերը, որոնք տեղակայված են վեց վայրերում գտնվող փրկարարական շտաբում, օպերատիվ արձագանքում են ստացվող հաղորդագրություններին և շարունակում օգնություն ցուցաբերել տեղի բնակչությանը, հայտնում է Արտակարգ իրավիճակների կառավարման ծառայությունը։

Նրանց խոսքով՝ հրշեջները ոստիկանների հետ միասին անվտանգ միջավայր են տեղափոխել եւս մի քանի ընտանիքների, այդ թվում՝ տարեցների ու անչափահասների։

Նաև ակտիվ ռեժիմով շարունակվում է բնակչությանը սննդի, դեղորայքի և առաջին անհրաժեշտության ապրանքների մատակարարումը։

«ՆԳՆ ստորաբաժանումները, համաձայնեցնելով համապատասխան գերատեսչությունների ներկայացուցիչների հետ, շարունակում են աշխատել արտակարգ ռեժիմով»,- նշվում է տեղեկատվության մեջ։