Ներքին գործերի նախարարության պատվիրակությունը պաշտոնական հանդիպումներ է ունեցել Լեհաստանում
Վրաստանի ՆԳՆ սահմանային ոստիկանության պետ Նիկոլոզ Շարաձեն և պարեկային ոստիկանության բաժնի տնօրեն Վաժա Սիրաձեն մասնակցել են Լեհաստանի մայրաքաղաք Վարշավայում «Frontex»-ի կողմից կազմակերպված սահմանային ոստիկանության 25-րդ միջազգային համաժողովին։
ՆԳՆ-ից հայտնում են, որ միջոցառման հիմնական թեման եղել է սահմանին ստեղծված արտակարգ իրավիճակներին արձագանքելու նախապատրաստությունը։
Միջազգային համաժողովին ներկա էին աշխարհի տարբեր երկրների սահմանային և առափնյա ոստիկանության ղեկավարներ։
Այցի շրջանակներում Վրաստանի սահմանային ոստիկանության և պարեկային ոստիկանության պետերը երկկողմ հանդիպում են ունեցել Մոլդովայի Հանրապետության ՆԳՆ սահմանային ոստիկանության գլխավոր տեսչության պետ Վասիլոյ Ռոսիանի հետ։
Վրացական պատվիրակության անդամները հանդիպել են նաև «Frontex»-ի օպերատիվ արձագանքման բաժնի ղեկավար Անա Քրիստին Յորժեի հետ։ Կողմերը քննարկել են Վրաստանի ՆԳՆ-ի և «FRONTEX»-ի միջև համագործակցության խորացման հեռանկարներն ու ապագա ծրագրերը։