Ներքին գործերի նախարարության աշխատակիցները թուրք գործընկերների հետ համատեղ Վրաստանի ողջ տարածքում անցկացված ոստիկանական միջոցառման արդյունքում հայտնաբերել են Թուրքիայի կողմից որոնվող անձանց
Վրաստանի ներքին գործերի նախարարության աշխատակիցները թուրք գործընկերների հետ համատեղ Վրաստանի ողջ տարածքում մի քանի վայրերում անցկացված ոստիկանական միջոցառման արդյունքում հայտնաբերել են Թուրքիայի իրավապահ մարմինների կողմից ազգային մակարդակով որոնվող Թուրքիայի Հանրապետության քաղաքացիների, որոնց նկատմամբ իրականացվել են օրենքով նախատեսված համապատասխան իրավական ընթացակարգեր:
Բոլորն էլ Թուրքիայի Հանրապետության քաղաքացիներ են. նրանք թուրք իրավապահների կողմից Թուրքիայի Հանրապետության տարածքում որոնվում էին տարբեր կարգի, այդ թվում՝ ծանր և առանձնապես ծանր հանցագործությունների համար:
Պարզվում է, որ նշված անձանց մի մասը խախտել էր երկրում գտնվելու ժամկետները և Վրաստանում գտնվում էր առանց օրինական հիմքերի: Ոստիկանական միջոցառմանը նախորդել են օպերատիվ-հետախուզական գործողություններ, որոնք ծրագրվել են թուրք իրավապահների հետ սերտ համագործակցությամբ:
Ներքին գործերի նախարարության աշխատակիցները Վրաստանի տարածքում գտնվող և տարբեր երկրների կողմից որոնվող օտարերկրյա քաղաքացիներին հայտնաբերելու նպատակով ակտիվորեն համագործակցում են գործընկեր պետությունների, այդ թվում՝ Թուրքիայի Հանրապետության իրավապահ գերատեսչությունների հետ:
Տեղեկատվությունը տարածում է Ներքին գործերի նախարարության մամուլի ծառայությունը: