NDI-ի հետազոտության համաձայն՝ հարցվածների մեծամասնությունը Վրաստանի նախագահի գործունեությունը գնահատում է միջին կամ լավ։

Հարցին, թե ինչպես կգնահատեն նախագահի աշխատանքը, հարցվածների 16 տոկոսն ասում է, որ լավ է գնահատում նախագահի աշխատանքը, 41 տոկոսը՝ միջին, իսկ 30 տոկոսը՝ վատ: Չգիտեմ՝ պատասխանել է 11 տոկոսը, իսկ հարցվածների մեկ տոկոսը հրաժարվել է պատասխանել։

Այս դեպքում այս տարվա մարտի համեմատ դրական ցուցանիշը նվազել է մեկ տոկոսով, իսկ բացասական ցուցանիշն աճել է երկու տոկոսով։

Նախագահի գործունեության գնահատականը, ըստ հարցման, տարբեր խմբերի մոտ նման է: Սակայն հետազոտության մեջ նշվում է, որ տղամարդիկ ավելի քննադատաբար են գնահատում Սալոմե Զուրաբիշվիլիի աշխատանքը, քան կանայք։

NDI-ի փոխանցմամբ՝ նշված զեկույցը հիմնված է Վրաստանի չափահաս բնակչության դեմ առ դեմ հարցման արդյունքների վրա, որն անցկացվել է ամբողջ երկրում հոկտեմբերի 14-ից նոյեմբերի 4-ը (առանց գրավյալ տարածքների)։ Հոկտեմբերյան հարցումն ընդհանուր առմամբ ներառում է 2068 ավարտված հարցազրույց: Հարցման միջին սխալի սահմանը +/- 2,2 տոկոս է։