Նախատեսվում է գրադարանների մոդեռնիզացում, և ոչ թե լիկվիդացում. Սոփո Խունծարիա
11:23, 22.02.2018
Նախատեսվում է գրադարանների մոդեռնիզացում, և ոչ թե դրանց լիկվիդացում,- այս մասին հայտարարել է Թբիլիսիի քաղաքապետի տեղակալ Սոփո Խունծարիան՝ Թբիլիսիի գրադարանների ներկայացուցիչների հետ հանդիպման մեկնարկից առաջ:
Նրա խոսքով, քաղաքապետարանի կողմից նախատեսված բարեփոխմանը հետևել է գրադարանավարների մի մասի բողոքը, որը ցավալի է, քանի որ բարեփոխումն ուղղված է գրադարաններում առկա վիճակի բարելավմանը:
Քաղաքապետի տեղակալը խոսել է նաև գրադարանների աշխատակիցների ցածր աշխատավարձերի մասին: Սոփո Խունծարիան նշել է, որ գրադարանավարները կվերապատրաստվեն:
«Գրադարաններում ծանր իրավիճակ է: Թբիլիսիում գործող 36 գրադարաններից 30-ը ենթակառուցվածքորեն անսարք է: Մենք նախատեսում ենք մոդեռնիզացնել գրադարանները, և ոչ թե դրանք լիկվիդացնել»,- նշել է Սոփո Խունծարիան:
