Վրաստանի նախագահ Սալոմե Զուրաբիշվիլին Շվեյցարիայում Ուկրաինայի խաղաղության գագաթնաժողովի շրջանակներում հանդիպել է Լեհաստանի նախագահ Անջեյ Դուդայի հետ։

Վրաստանի նախագահի աշխատակազմի տեղեկատվության համաձայն՝ նախագահները խոսել են երկրում ընթացող գործընթացների և Վրաստանում աշնանը նշանակված խորհրդարանական ընտրությունների կարևորության մասին։

«Վրաստանի նախագահի խոսքով՝ գալիք ընտրությունները կլինեն երկրի համար ժողովրդավարության ամենակարեւոր փորձությունը, Վրաստանի բնակչության մեծ մասը երկրի զարգացման եվրոպական ուղու ջատագովն ու պաշտպանն է։

Հանդիպմանը Վրաստանի նախագահն ընդգծել է այն փաստը, որ Եվրամիության անդամ երկրները չեն կարող ձեռնարկել այնպիսի միջոցներ և որոշումներ, որոնք ուղղված կլինեն վրաց ժողովրդի և երկրի դեմ։

Իր հերթին Լեհաստանի նախագահը ևս մեկ անգամ իր լիակատար աջակցությունն է հայտնել Վրաստանի եվրաատլանտյան ճանապարհին, նշել, որ Վրաստանի տեղն իսկապես Եվրոպայում է և աջակցում է վրաց ժողովրդի կամքին և եվրաինտեգրման գործընթացին։

Նախագահները խոսել են նաև Ուկրաինայում տեղի ունեցող իրադարձությունների, խաղաղության կարևորության մասին և իրենց աջակցությունն են հայտնել Ուկրաինային»,- նշվում է վարչակազմի տեղեկատվության մեջ։