ՆԱՏՕ-ին ենթակա միջազգային ուժերի առաքելությունը հայտարարում է, որ իրենք ակտիվորեն վերահսկում են իրավիճակը Կոսովոյում և պատրաստ են միջամտել, եթե կայունությունը վտանգվի
ՆԱՏՕ-ին ենթակա միջազգային ուժերի առաքելությունն ակտիվորեն վերահսկում է իրավիճակը Կոսովոյում և պատրաստ է միջամտել, եթե կայունությունը վտանգի ենթարկվի,- ասված է ՆԱՏՕ-ին ենթակա միջազգային ուժերի մամուլի հաղորդագրությունում։
Հայտարարության համաձայն՝ Կոսովոյում միջազգային ուժերը կենտրոնացած են ՄԱԿ-ի մանդատի ամենօրյա կատարման վրա՝ ապահովելու անվտանգ միջավայր և Կոսովոյի բնակչության ազատ տեղաշարժ։ Նրանց տվյալներով՝ ՆԱՏՕ-ի ներքո գործող միջազգային ուժերի հրամանատարը մշտական կապի մեջ է Կոսովոյի անվտանգության կառույցների և Սերբիայի պաշտպանության նախարարության հետ։
«ՆԱՏՕ-ն շարունակում է ակտիվորեն աջակցել Պրիշտինայի և Բելգրադի հարաբերությունների կարգավորմանը Եվրամիության միջնորդությամբ և կողմերին կոչ է անում շարունակել բանակցությունները։ Սա չափազանց կարևոր է տարածաշրջանային խաղաղության և անվտանգության համար: Առանց մարդու իրավունքների, ժողովրդավարական արժեքների, օրենքի գերակայության, ներքին բարեփոխումների և բարիդրացիական հարաբերությունների, Բալկաններում ավելի լավ ապագայի հեռանկար չկա: Կոսովոյի միջազգային ուժերը կձեռնարկեն բոլոր անհրաժեշտ միջոցները` Կոսովոյում անվտանգ միջավայր պահպանելու համար»,- ասված է հաղորդագրությունում։
Լրատվամիջոցների հաղորդմամբ՝ Սերբիայի և Կոսովոյի շփման գծում լսվել են կրակոցների և տագնապի ազդանշան։