«Մառնեուլիի 69-րդ ընտրատարածքի տվյալները անվավեր են ճանաչվել», -հայտնել է ԿԸՀ-ի խոսնակ Նատիա Իոսելիանին։

Նրա խոսքով՝ մանրամասները, թե որ սուբյեկտի ներկայացուցիչ է եղել քվեաթերթիկները քվեատուփ տեղադրած անձի ներկայացուցիչը, հայտնի կդառնան ավելի ուշ։

«Մառնեուլիի ընտրատարածքային հանձնաժողովը գնացել է Մառնեուլիի վայր և ուսումնասիրել փաստը։ 69-րդ տեղամասում ընտրական գործընթացը դադարեցվել է: Ընտրատարածքային ընտրական հանձնաժողովն անմիջապես նիստ է հրավիրել, նշված տեղամասի տվյալները անվավեր են ճանաչվել։ Ինչ վերաբերում է մանրամասներին, ապա մենք տեղեկություններ ունենք սոցցանցերից, տեսանյութում տեսանք, որ նշված անձը ընտրատեղամասում կրել է ներկայացուցչի վկայական։ Թե որ սուբյեկտի ներկայացուցիչ է եղել, ես ձեզ ավելի ուշ կներկայացնեմ»,- ասել է Իոսելիանին։

Տեղեկության համար՝ ՆԳՆ-ն Մառնեուլիի 69-րդ տեղամասում տեղի ունեցած միջադեպի առթիվ հետաքննություն է սկսել 164 պրիմայի հոդվածով, որը վերաբերում է ընտրակեղծիքներին։