Վրաստանի Ազգային բանկի նախագահի պաշտոնակատար Նաթիա Թուրնավան հանդիպել է Վրաստանում Չեխիայի Հանրապետության արտակարգ և լիազոր դեսպան Պետր Կուբերնատի հետ։

Ազգային բանկի տեղեկատվության համաձայն, հանդիպման շրջանակներում կողմերը խոսել են Վրաստանի և Չեխիայի միջև երկարամյա հարաբերությունների և երկու երկրների ազգային բանկերի միջև հաջող համագործակցության մասին։

Նաթիա Թուրնավան անձամբ շնորհակալություն է հայտնել Պետր Կուբերնատին՝ Վրաստանի եվրաինտեգրման ճանապարհին Չեխիայի աջակցության համար և նշել, որ Եվրամիությանը լիիրավ անդամակցությունը Վրաստանի գլխավոր նպատակն է։

Վրաստանի Ազգային բանկի նախագահի պաշտոնակատարը Չեխիայի դեսպանին տեղեկացրել է Վրաստանի ֆինանսական հատվածում առկա իրավիճակի և իրականացվող ծրագրերի մասին: Նա խոսել է նաև Վրաստանի հեռանկարի մասին՝ տարածաշրջանում ֆինտեխ հանգույց դառնալու առումով և ներկայացրել ֆինանսական տեխնոլոգիաների շուկաների զարգացման համար նախատեսված նախագծերը։

Հանդիպմանը կողմերը քննարկել են Չեխիայի ազգային բանկի հետ կարողությունների զարգացման ընթացիկ ծրագիրը, խոսել դրա կարևորության և ապագայում այն ​​շարունակելու անհրաժեշտության մասին:

Տեղեկությունը տարածում է Ազգային բանկը։