Ազգային բանկի նախագահի պաշտոնակատար Նաթիա Թուրնավան ճանաչողական հանդիպում է ունեցել Վրաստանում Միացյալ Թագավորության նոր դեսպան Գարեթ Ուորդի հետ։

Հանդիպմանը կողմերն ընդգծել են Վրաստանի Ազգային բանկի և Միացյալ Թագավորության Կենտրոնական բանկի սերտ համագործակցությունը։ Ուշադրություն է դարձվել նաև կենտրոնական բանկերի իրավասությանը պատկանող, այդ թվում՝ ֆինանսական տեխնոլոգիաների զարգացման հարցերում ապագա համագործակցության ակտիվացման և տեղեկատվության փոխանակման վրա։

Հանդիպման շրջանակներում Նաթիա Թուրնավան ընդգծել է, որ Մեծ Բրիտանիան Վրաստանի մերձավոր գործընկերն է, և նրա հետ համագործակցությունը առաջնահերթություն է ինչպես երկրի, այնպես էլ Ազգային բանկի համար։

Ինչպես նշեց Նաթիա Թուրնավան հանդիպումից հետո, տեղի է ունեցել շատ բեղմնավոր և հետաքրքիր հանդիպում, որի ընթացքում նա Ուորդին տեղեկացրել է դրամավարկային քաղաքականության, փողերի լվացման կանխարգելման և վիրտուալ ակտիվների ծառայություններ մատուցողների կարգավորման ուղղությամբ Ազգային բանկի ձեռնարկած ակտիվ քայլերի մասին։

Տեղեկությունը տարածում է Ազգային բանկի մամուլի ծառայությունը։