Վրաստանի Ազգային բանկի նախագահի պաշտոնակատար Նաթիա Թուրնավան Մարաքեշում Արժույթի միջազգային հիմնադրամի և Համաշխարհային բանկի տարեկան ժողովների շրջանակում հանդիպել է բրիտանական թագավորական դրամահատարանի ներկայացուցիչ Սայմոն Լեյքսի հետ։

Վրաստանի Ազգային բանկի մամուլի ծառայությունից հայտնում են, որ ներածական հանդիպման ժամանակ ուշադրություն է դարձվել Մեծ Բրիտանիայի թագավորական դրամահատարանի և Վրաստանի ազգային բանկի միջև գործընկերային հարաբերություններին և հետագա համագործակցության հեռանկարներին: Կողմերը ցանկություն են հայտնել շարունակել հետագա համագործակցությունը։

«Մեծ Բրիտանիայի թագավորական դրամահատարանը մետաղադրամների խոշորագույն արտադրողներից մեկն է աշխարհում, իսկ Վրաստանը երկարաժամկետ հարաբերություններ ունի Ազգային բանկի հետ։ Թագավորական դրամահատարանը մետաղադրամների արտադրության ոլորտում մեր երկարաժամկետ գործընկերն է: Հանդիպմանը պայմանավորվեցինք, որ Մեծ Բրիտանիայի թագավորական դրամահատարանի և Ազգային բանկի միջև համագործակցությունը կշարունակվի նաև ապագայում»,- ասաց Նաթիա Թուրնավան։

Նշենք, որ Մեծ Բրիտանիայի թագավորական դրամահատարանում իրականացվել են Վրաստանի Ազգային բանկի բազմաթիվ նախագծեր։