Շատ կարևոր օր է մեզ և վրացական զբոսաշրջության համար, քանի որ ՄԱԿ-ի գլխավոր ասամբլեան հաստատել է Վրաստանին որպես գործադիր խորհրդի անդամ, – Մադրիդում Զբոսաշրջության համաշխարհային կազմակերպության գլխավոր ասամբլեայի ավարտից հետո ասել է էկոնոմիկայի և կայուն զարգացման նախարար Նաթիա Թուրնավան, որտեղ Վրաստանը պատմության մեջ առաջին անգամ չորս տարի ժամկետով ընտրվել է ՄԱԿ-ի Զբոսաշրջության համաշխարհային կազմակերպության գործադիր խորհրդի անդամ։

Էկոնոմիկայի նախարարի խոսքով, սա շատ պատվաբեր անդամակցություն է Վրաստանի համար, քանի որ այս կազմակերպությանն անդամակցում է մոտ 200 երկիր, իսկ գործադիր խորհուրդը կազմում է ընդամենը 35 երկիր, որտեղ Վրաստանը հաստատված է եվրոպական քվոտայով։

«Չորս տարի մենք լինելու ենք գործադիր խորհրդի անդամ, ինչը նշանակում է, որ առաջին հերթին մենք կկարողանանք որոշակի դրական ազդեցություն ունենալ համաշխարհային զբոսաշրջության զարգացման վրա։ Իհարկե, դա դրական կլինի նաև Վրաստանի համար, քանի որ մենք փոփոխություններ կանենք, որոնք օգուտ կբերեն համաշխարհային զբոսաշրջությանը և, ակնհայտորեն, կարևոր կլինեն նաև Վրաստանի համար»,- ասաց Նաթիա Թուրնավան։

Նրա խոսքով՝ ավելի մեծ մասսայականացումը, ավելի անվտանգ զբոսաշրջությունը, ավելի շատ ծանոթությունը Վրաստանի տեսարժան վայրերին շատ կարեւոր է ողջ աշխարհի համար։

ՄԱԿ-ի Զբոսաշրջության համաշխարհային կազմակերպության գործադիր խորհուրդը կազմված է 35 անդամ երկրներից և հանդիսանում է Զբոսաշրջության համաշխարհային կազմակերպության ղեկավար մարմինը, որն ապահովում է կազմակերպության արդյունավետ աշխատանքը և քննարկում համաշխարհային օրակարգում ճամփորդության և զբոսաշրջության ոլորտի քաղաքականության հիմնական հարցերը: Հաշվի առնելով իր ռազմավարական դիրքը՝ Վրաստանը կկարողանա զբոսաշրջության զարգացման գործում պաշտպանել ինչպես Սեւ ծովի, այնպես էլ Արեւելյան Եվրոպայի տարածաշրջանների շահերը։

Տեղեկությունը տարածում է էկոնոմիկայի և կայուն զարգացման նախարարությունը։