Ինչպես և ակնկալում էինք, 2021 թվականին նկատվեց վերականգնման շատ լավ միտում՝ ավելացել է ինչպես արտաքին առևտրաշրջանառությունը ընդհանուր առմամբ, այնպես էլ ապրանքների արտահանումը մասնավորապես։ Արտահանման ծավալները գերազանցել են 4,2 միլիարդ դոլարը՝ ամենաբարձրը վերջին տասնամյակում, իսկ 2020 թվականի համեմատ աճը կազմել է մոտ 27 տոկոս, ասել է էկոնոմիկայի և կայուն զարգացման նախարար Նաթիա Թուրնավան։

2021 թվականին արտահանումը կազմել է 4 242,3 մլն դոլար, իսկ ներմուծումը նախորդ տարվա համեմատ աճել է 25,1 տոկոսով և կազմել 10,077 մլն ԱՄՆ դոլար։ 2021 թվականին արտահանումը 11,7 տոկոսով ավելի է, քան 2019 թվականին (մինչ համաճարակը)։ 2021 թվականին ապրանքաշրջանառությունն աճել է 25,6 տոկոսով և կազմել 14 319,3 մլն դոլար, ինչը 7,5 տոկոսով ավելի է 2019 թվականի ցուցանիշից։

«Վրացական արտադրանքի արտահանումը շարունակում է մնալ մեր երկրի տնտեսական աճի և տնտեսության վերականգնման հիմնական շարժիչ ուժը»,- ասել է նախարարը։

Տեղեկությունը տարածում է էկոնոմիկայի նախարարության մամուլի ծառայությունը։