Վրաստանի Ազգային բանկի նախագահի պաշտոնակատար Նաթիա Թուրնավան մասնակցել է Վրաստանի բիզնես ասոցիացիայի կողմից կազմակերպված համաժողովին։

«Վրացական տնտեսության ակնարկ. մակրոտնտեսական և ոլորտային հեռանկարներ» պանելային քննարկման ժամանակ Նաթիա Թուրնավան կենտրոնացել է երկրի առողջ մակրոտնտեսական միջավայրի և տնտեսական ներուժի աճի վրա։ Որպես տնտեսական աճի հիմնական շարժիչ ուժ նա անվանեց ներդրումները։

«Գնաճը նախորդ տարվա մարտից ցածր է եղել նպատակային մակարդակից, իսկ վերջին հինգ ամիսների ընթացքում եղել է 1 տոկոսից ցածր: Սա վկայում է այն մասին, որ տնտեսական աճը տեղի է ունենում արտադրողականության աճի հաշվին։ Հարկ է նշել, որ ընդհանուր առմամբ երկրի տնտեսական ներուժն աճել է, նկատվել է արտադրողական ճյուղերի արտոնյալ զարգացում, ինչը չեզոքացնող գործոն է բարձր տնտեսական աճի պայմաններում գնաճի աճի դեմ, սա իսկապես լավ է»,- նշել է Նաթիա Թուրնավան։

Ըստ նրա՝ սա թույլ է տալիս մտածել, որ դրամավարկային քաղաքականության մեղմացման տեմպերը պետք է մի փոքր ավելի համարձակ լինեն։