Այն, ինչ մենք ակնկալում ենք Վրաստանից, բևեռացումը հաղթահարելու կարողությունն է, քանի որ դա խոչընդոտ է ցանկացած տիպի առաջընթացի համար,- ասել է եվրոպացի պատգամավոր Նաչո Սանչես Ամորը։

Նրա խոսքով, Եվրահանձնաժողովի նախագահի այսօրվա ելույթում նա նկատել է, որ Վրաստանը դիտարկվում է նույն հարթության վրա, ինչ Ուկրաինան ու Մոլդովան։

«Այն, ինչ ես նկատեցի տիկին Ֆոն դեր Լեյենի այսօրվա ելույթում, այն է, որ Վրաստանը դիտարկվում է Ուկրաինայի և Մոլդովայի նույն մակարդակի վրա։ Կարծում եմ՝ սա լավ նորություն է։ Երբեմն մենք Վրաստանում քաղաքական կյանքը դիտում էինք որպես շեղում կառավարության և ընդդիմադիր կուսակցությունների միջև բազմաթիվ մանր վեճերի պատճառով: Այն, ինչ մենք խորհուրդ կտայինք երկրի ցանկացած քաղաքական ուժի՝ միասին նստել և խոսել այն օրակարգի մասին, որը վերաբերում է եվրոպական ձգտման պարտավորություններին։ Այս հանձնարարականը վերաբերում է ինչպես իշխանությանը, այնպես էլ ընդդիմությանը, ցանկացած քաղաքական կուսակցության և քաղաքացիական հասարակությանը։ Այն, ինչ մենք ակնկալում ենք Վրաստանից՝ որպես երկրից և հասարակությունից, բևեռացումը հաղթահարելու կարողությունն է, քանի որ դա խոչընդոտ է ցանկացած տեսակի առաջընթացի համար»,- ասել է Նաչո Սանչես Ամորը։