N308 երթուղով կշարժվեն նաեւ MAN մակնիշի 18 մետրանոց ավտոբուսները։ Այս երթուղում մինչ այժմ ընթացող 12 մետրանոց ավտոբուսները մարտի 2-ից կփոխարինվեն ինը միավոր 18 մետրանոց ավտոբուսներով։ Տեղեկությունը տարածում է Թբիլիսիի քաղաքապետարանը։

Քաղաքապետարանից հայտնում են, որ N308 ավտոբուսը Բարաթաշվիլի փողոցից կշարժվի գործող երթուղիով՝ Ազատության հրապարակ, Ռուսթավելի պողոտա, Կոստավա փողոց, Հերոսների հրապարակ, Թամար Թագուհու պողոտա, Ծինամձղվրիշվիլի փողոց, Ծերեթելի պողոտա, Էրիսթավի փողոց, Գուրամիշվիլի պողոտա, Սարաջիշվիլի փողոց, Ակակի Վասաձեի փողոց, «Ախմետելի Թատրոն» մետրոպոլիտենի ուղղությամբ և կավարտի երթևեկությունը Օմար Խիզանիշվիլի փողոցով (Գլդանիի VII-VIII միկրոշրջանները կապող ճանապարհ):

«Ինչ վերաբերում է հետընթաց երթևեկությանը, քանի որ Թբիլիսիի պատմական տարածքներում գտնվող որոշ փողոցներ պիտանի չեն ենթակառուցվածքային միջամտության համար, ինչն անհրաժեշտ է՝ հաշվի առնելով 18 մետրանոց ավտոբուսների չափերը, ավտոբուսը կփոխի իր երթուղին և կշարժվի թեթևակի փոփոխությամբ. Մասնավորապես, այս դեպքում ավտոբուսը կօգտագործի Բարաթաշվիլի և Պուշկին փողոցները, Ազատության հրապարակը, Ռուսթավելիի պողոտան, Կոստավայի փողոցը, Հերոսների հրապարակը, Թամար Թագուհու պողոտան, Ծինամձղվրիշվիլի փողոցը, Ծերեթելիի պողոտան, Էրիսթավի փողոցը, Գուրամիշվիլի պողոտան, Սարաջիշվիլի, Քերչի և Վասաձե փողոցները։ Այն կշարժվի «Ախմեթելի թատրոն» մետրոկայարանի հարակից տարածք և կանգ կառնի Խիզանիշվիլի փողոցում (Գլդանիի VII-VIII միկրոշրջանները միացնող ճանապարհը), նշվում է տեղեկատվության մեջ։

Քաղաքապետարանի տվյալներով՝ սեղմված բնական գազով (CNG) ավտոբուսները նախատեսված են 162 ուղևորի համար, որից 43-ը՝ նստատեղ։ Ավտոբուսներն ունեն տեղեկատվական համակարգ, որը ներառում է ուղևորների ուղեվարձի և տեղեկատվական համակարգերի կառավարման համակարգիչ, տեղեկատվական վահանակներ, աուդիո տեղեկատվության և վիդեո մոնիտորինգի համակարգ, ինչպես նաև WIFI սարք։

Ինչպես նշել են քաղաքապետարանում, քաղաքապետարանը տրանսպորտի բարեփոխման շրջանակներում ձեռք է բերել 18 մետրանոց 160 միավոր ավտոբուս։ Առաջիկա օրերին նախատեսվում է նաև վերաբաշխել 18 մետրանոց ավտոբուսները N301 և N314 երթուղիներում։