Վրաստանի ազգային մրցակցության գործակալությունը, քաղաքացի Լանա Ղանչելիի դիմումի հիման վրա, ավարտել է «Անասնաբուժական կենտրոն Zooplaza»-ի դեմ հարուցված գործի քննությունը՝ «Սպառողների իրավունքների պաշտպանության մասին» Վրաստանի օրենքի ենթադրյալ խախտման վերաբերյալ։

Ինչպես նշել են գործակալությունում, դեպքի ուսումնասիրության շրջանակներում գործակալությունը պայմանական պարտավորության պայմանագիր է կնքել վաճառողի հետ, որի շրջանակներում վաճառողին հանձնարարվել է վերականգնել այն սպառողների իրավունքները, որոնք տուժել են վաճառողի օրենքով սահմանված պարտավորությունների չկատարման հետևանքով։

«Մասնավորապես, գործի ուսումնասիրության ընթացքում վաճառողը պարտավորվել է հաճախորդին ծառայություններ մատուցել վրացերենով։ Նաև տրամադրել տեղեկատվություն և գրավոր փաստաթղթեր վրացերենով` հստակ, հասկանալի և լիարժեք:

Ստորագրված պայմանական պարտավորության համաձայն՝ վաճառողը պարտավոր է մեկամսյա ժամկետում գործակալություն ներկայացնել կատարված պարտավորությունների ապացույցները։

Նմանատիպ դեպքերում, հաշվի առնելով հարցի բովանդակությունը, Վրաստանի ազգային մրցակցության գործակալությունը ակտիվորեն համագործակցում է պետական ​​լեզվի դեպարտամենտի հետ։

Տեղեկության համար՝ 2022 թվականի նոյեմբերից մինչև 2023 թվականի մարտ ամիսը մրցակցության ազգային գործակալությունում գրանցվել է 194 հայտ, որից 118 հայտով սկսվել է դեպքի ուսումնասիրություն, ավարտվել է 109 դեպքի հետ կապված հարցը»,- նշված է Մրցակցության գործակալության հաղորդագրության մեջ։