Մրցակցության ազգային գործակալությունը նոյեմբերի 1-ից կսկսի քննարկել սպառողների բողոքները
Վրաստանի խորհրդարանը երրորդ ընթերցմամբ հավանություն է տվել «Սպառողների իրավունքների պաշտպանության մասին» օրենքի նախագծին։ Վրաստանի տարածքում սպառողների իրավունքները պաշտպանելու է Ազգային մրցակցության գործակալությունը։ Օրենքն ուժի մեջ կմտնի 2022 թվականի հունիսի 1-ից, իսկ բողոքների քննարկումը կսկսվի նոյեմբերի 1-ից։
Ըստ մրցակցության գործակալության՝ օրենքի նպատակը երկրում սպառողների պաշտպանության բարձր աստիճանի ապահովումն է, և դա Վրաստանի և Եվրամիության միջև Ասոցացման համաձայնագրի պարտավորությունների մաս է կազմում։
Գործակալության հաղորդմամբ, օրենքն արտացոլում է լավագույն միջազգային փորձը, պատրաստված է եվրոպական դիրեկտիվներին լիովին համապատասխան և ծառայում է սպառողների իրավունքների պաշտպանության չափանիշների բարելավմանը։
«Օրենքը նախատեսում է նորմեր՝ կապված վստահության և բարեխղճության սկզբունքների դեմ անարդար կոմերցիոն գործունեության արգելման հետ, սպառողների իրավունքների պաշտպանության ինստիտուցիոնալ երաշխիքներ։ Կարգավորվում են սպառողական պայմանագրերի հետ կապված երաշխիքները, սահմանվում են ոչ պատասխանատվության հանգամանքները, երաշխիքային ժամկետները և սպասարկման պարտավորությունների խախտման հետևանքները: Կարևոր է նշել, որ փոփոխությամբ վաճառողը պարտավոր է հաճախորդին տրամադրել ճշգրիտ և համապարփակ տեղեկատվություն՝ ապրանքի տեսակը, բնութագրերը, համապատասխանությունը և այլն: Ընդունված օրենքը սպառողներին պաշտպանելու է անարդար կոմերցիոն առաջարկներից, ագրեսիվ մարքեթինգից, ապակողմնորոշիչ գովազդից։ Օրենքը վերաբերում է փողոցային, ինչպես նաև առցանց և հեռավոր գործարքներին», – ասել է Վրաստանի մրցակցության ազգային գործակալության նախագահ Իրակլի Լեքվինաձեն:
Նրա խոսքով, 2022 թվականի հունիսի 1-ից մրցակցության ազգային գործակալությունը կստեղծի համապատասխան բաժին, միջազգային պրակտիկայի ուսումնասիրությանը զուգահեռ կանցկացվեն կադրերի վերապատրաստում։
«Կարևոր է յուրաքանչյուր վաճառողի կամ հաճախորդի մակարդակով բարձրացնել հանրային իրազեկվածությունը և տեղեկատվության փոխանակումը, ակտիվ երկխոսության ձևաչափի ստեղծումը։ Բողոքի ստացման և քննարկման կարգը մանրամասն կներկայացվի, և գործակալությունը կապահովի, որ բոլոր կողմերի իրավունքները հավասարապես պաշտպանված և երաշխավորված լինեն: Գործակալությունը դրա ընդունելիությունը որոշում է բողոքը ստանալուց հետո տասնօրյա ժամկետում։ Մեկամսյա ժամկետում վերանայել բողոքը և խախտման դեպքում նախազգուշացնել վաճառողին, ժամկետ տալ այն վերացնելու համար, իսկ հրահանգները չկատարելու դեպքում կկիրառվի պատժամիջոց՝ նախորդ տարվա շրջանառության մինչև երկու տոկոսը։ Սպառողների իրավունքների պաշտպանության եվրոպական չափանիշների ներդրումը վճռորոշ նշանակություն ունի մեր երկրի՝ Եվրամիությանն ինտեգրման գործընթացի համար, և Ազգային մրցակցության գործակալությունը, այս առումով, կապահովի սպառողների իրավունքների առավելագույն պաշտպանությունը»,- ասել է Լեքվինաձեն։
Վրաստանի «Սպառողների իրավունքների պաշտպանության մասին» օրենքի նախագիծը – Եվրախորհրդարանի և Խորհրդի հրահանգների հիման վրա պատրաստվել է Վրաստանի խորհրդարանի Եվրոպային ինտեգրման հանձնաժողովի և Միջազգային համագործակցության գերմանական ծրագրի (GIZ) աջակցությամբ: Օրինագծի մշակման գործընթացում ակտիվորեն ներգրավված են եղել տարբեր գերատեսչությունների ներկայացուցիչներ, տեղական և միջազգային փորձագետներ։
