Մոլդովայում Եվրամիության դեսպանի խոսքով՝ Բրյուսելը չի խնդրում Քիշնևին միանալ Ռուսաստանի դեմ պատժամիջոցներին, թեև իրենք ուրախ կլինեն, եթե նման քայլ կատարվեր
Մոլդովայում Եվրամիության դեսպանի խոսքով՝ Բրյուսելը չի խնդրում Քիշնևին միանալ Ռուսաստանի դեմ պատժամիջոցներին, թեև իրենք ուրախ կլինեն, եթե նման քայլ կատարվեր։
Այս մասին, ըստ ուկրաինական լրատվամիջոցների, Յանիս Մաժեյկսը հայտարարել է մոլդովական լրատվամիջոցներին տված հարցազրույցում։
Եվրամիության դեսպանն ընդգծել է, որ խոսքը ոչ թե հակառուսական պատժամիջոցների մասին է, այլ Ռուսաստանի դեմ կիրառվող պատժամիջոցների՝ Ուկրաինայի վրա ագրեսիայի ու հարձակման պատճառով։ Նա նշել է, որ Եվրամիությունը այս պատժամիջոցներին միանալու հստակ խնդրանք չի ներկայացրել։
«Եվրամիությունը դա չի պահանջում։ Մենք հասկանում ենք, որ Մոլդովան ունի կոնկրետ իրավիճակ, և միշտ չէ, որ հնարավոր է եղել միանալ այս կամ այն քայլին»,- ասել է Մաժեյը։
Բացի այդ, դեսպանն ասել է, որ Եվրամիության համար կարևոր կլինի, թե ինչպես կզարգանա Մոլդովան այս ուղղությամբ եւս։
«Թեկնածու երկրներից ակնկալվում է, որ աստիճանաբար իրենց արտաքին քաղաքականությունը կմոտեցնեն Եվրամիության քաղաքականությանը։ Հստակ պահանջ չկա, բայց մենք ուրախ կլինենք, որ Մոլդովան կկարողանա միանալ պատժամիջոցներից մեկին»,- ասել է Մաժեյսը։