Մոլդովայում նախատեսված ընտրություններից և հանրաքվեից առաջ Meta ընկերությունը ջնջել է մի խումբ աքաունթներ, որոնց թիրախային լսարանը Մոլդովայի ռուսալեզու բնակչությունն էր։ Ըստ Meta-ի՝ այս էջերը խախտել են կեղծ աքաունթների հետ կապված ընկերության քաղաքականությունը։

Ինչպես նշում է ընկերությունը, կեղծ աքաունթներում հրապարակվել են Մոլդովայի նախագահ Մայա Սանդուի, եվրոպամետ քաղաքական գործիչների՝ Մոլդովայի և Ռումինիայի միջև սերտ կապերի և Մոլդովայի ռուսամետ կուսակցություններին աջակցող գրառումները:

Ըստ Meta-ի՝ նա ջնջել է Facebook-ի յոթ էջ, 23 հաշիվ և մեկ խումբ, ինչպես նաև Instagram-ի 20 հաշիվ։

Ավելի վաղ Մոլդովայի իշխանությունները հայտարարել էին, որ արգելափակել են տասնյակ Telegram ալիքներ և չաթ-բոտեր, որոնք ընտրողներին գումար են առաջարկում Եվրամիությանը անդամակցության հանրաքվեում բացասական պատասխան տալու դիմաց: Ազգային քննչական ծառայության տվյալներով՝ հաշիվները կապված են եղել փախած գործարար Իլան Շորի կողմնակիցների հետ։ Ընտրություններին միջամտելու գործի հետաքննության շրջանակներում խուզարկվել են Իլան Շորի հետ առնչություն ունեցող անձանց տները։

Մոլդովայում նախագահական ընտրությունները տեղի կունենան հոկտեմբերի 20-ին։ Գործող նախագահ Մայա Սանդուն առաջադրվում է երկրորդ ժամկետի համար: Միաժամանակ նույն օրը տեղի է ունենում Եվրամիությանն անդամակցելու հանրաքվե։