Հունվարի 30-31-ը հաշտեցման և քաղաքացիական իրավահավասարության պետական նախարար Թեա Ախվլեդիանիի հրավերով աշխատանքային այցով Վրաստան կժամանի Մոլդովայի Հանրապետության վերաինտեգրման հարցերով փոխվարչապետ Օլեգ Սերեբրիանին։ Տեղեկությունը տարածում է պետնախարարի գրասենյակը։
«Այցի նպատակն է խորացնել համագործակցությունը պետնախարարի գրասենյակի և Մոլդովայի Հանրապետության վերաինտեգրման բյուրոյի միջև, ինչպես նաև զարգացնել հարաբերությունները Վրաստանի կառավարության այլ համապատասխան գերատեսչությունների հետ և ապագա համագործակցության քայլեր սահմանել։
Այցի շրջանակներում Մոլդովայի փոխվարչապետը հանդիպումներ կունենա Վրաստանի վարչապետի և կառավարության այլ անդամների, խորհրդարանի նախագահի, Տարածքային ամբողջականության վերականգնման և ապաօկուպացման հարցերի ժամանակավոր հանձնաժողովի ղեկավարի հետ և այլ խորհրդարանականների, ինչպես նաև հասարակական կազմակերպությունների ներկայացուցիչների և փորձագետների հետ։ Այցը ներառում է նաև այցելություն Ցխինվալի շրջանի ուղղությամբ օկուպացիոն գիծ։
Հանդիպումների շրջանակում նախատեսվում է կիսել Վրաստանի փորձը հակամարտության խաղաղ կարգավորման հարցերի վերաբերյալ և ծանոթանալ Վրաստանի կառավարության խաղաղարար քաղաքականությանը, ինչպես նաև տեղեկատվություն փոխանակել տիրող իրավիճակի վերաբերյալ։ Վրաստանի օկուպացված շրջանները և Մոլդովայի Հանրապետության Մերձդնեստրի շրջանը»,- նշված է Վրաստանի հաշտեցման և քաղաքացիական իրավահավասարության հարցերով պետնախարարի գրասենյակի հաղորդագրության մեջ։