Մոլդովան փորձում է ամրապնդել կապերը Չինաստանի հետ,- այս մասին «Սինհուա» գործակալությանը տված բացառիկ հարցազրույցում հայտարարել է Մոլդովայի փոխվարչապետ և արտաքին գործերի նախարար Միխայ Պոպշոյը:

Նրա խոսքով՝ Մոլդովայի և Չինաստանի հարաբերությունները հիմնված են փոխադարձ հարգանքի և միջազգային իրավունքի վրա։

Պոպշոյը դրական է գնահատել երկկողմ հարաբերությունների երկարաժամկետ դրական դինամիկան և ցանկություն հայտնել խորացնել համագործակցությունը հատկապես տնտեսական և մշակութային ոլորտներում։

«Արժանապատիվ առաջընթաց է գրանցվել Մոլդովայի և Չինաստանի տնտեսական և առևտրային հարաբերություններում։ Չինաստանը մոլդովական գինու ամենակարևոր ներմուծողներից մեկն է»,- ասել է Պոպշոյը։

Մոլդովայի արտաքին գործերի նախարարի խոսքով՝ Չինաստանի հետ ամուր համագործակցությունը իրենց երկրի համար կարևոր առաջընթաց է։