Մոջթաբա Խամենեիի խորհրդական. ԱՄՆ-ի և Իրանի միջև հնարավոր խաղաղության համաձայնագիրը կախված է Թրամփի վարչակազմի՝ իրանական սառեցված ակտիվները ազատելու հրամանից
ԱՄՆ-ի և Իրանի միջև հնարավոր խաղաղության համաձայնագիրը կախված է Թրամփի վարչակազմի՝ իրանական սառեցված 24 միլիարդ դոլարի ակտիվները ազատելու հրամանից։ Այս մասին «Սիեննային» ասել է Իրանի գերագույն առաջնորդ այաթոլլա Մոջթաբա Խամենեիի ռազմական խորհրդական Մոհսեն Ռեզաեին։
Նրա խոսքով՝ «գնդակը հիմա Թրամփի դաշտում է»։
«Բանակցությունները փակուղի են մտել, և ԱՄՆ նախագահ Դոնալդ Թրամփը պետք է լուծի այս փակուղին։ Գնդակը Թրամփի դաշտում է», – ասել է Մոհսեն Ռեզաին։
Բացի այդ, իրանցի բարձրաստիճան պաշտոնյան հեռուստաալիքին ասել է, որ ԱՄՆ-ն «կմտնի մութ միջանցք», եթե վերսկսի ռազմական գործողությունները։
«Սի Էն Էն»-ի փոխանցմամբ՝ Իրանը պահանջել է ազատել 12 միլիարդ դոլարի սառեցված ակտիվները ԱՄՆ-ի հետ ժամանակավոր համաձայնագրի ստորագրումից հետո, և ևս 12 միլիարդ դոլար՝ ավելի ուշ փուլում։
Լրատվամիջոցների տվյալներով՝ «ամերիկյան պաշտոնյաները մտահոգված են, որ այս փուլում ակտիվների ցանկացած ապաբլոկավորում կարող է նշանակել, որ նրանք կկորցնեն ռեժիմի վրա ազդեցության հիմնական լծակը»։
Բացի այդ, Ռեզաին նշել է, որ Թրամփի վարչակազմի կողմից միջոցների հնարավոր ազատումը «ապագայի նոր հորիզոն» կլինի Իրանի և ԱՄՆ-ի համար։
«Եթե Թրամփը ցանկանում է համաձայնության գալ Իրանի հետ, 24 միլիարդ դոլարը վստահության փորձություն է։ Սա փորձություն է, որը Ամերիկան պետք է անցնի, և ճանապարհը կբացվի», – ասել է Մոհսեն Ռեզաին։