«Մոամբե» լրատվական ծրագիրն այսօր դարձավ 56 տարեկան։ Այս անունով ստեղծվել է Վրաստանի հեռուստատեսային լրատվական ծառայությունը 1968 թվականի հունվարի 4-ին։

Անվան գաղափարը պատկանում է Թամազ Խոմերիկին, ով ղեկավարում էր տեղեկատվության գլխավոր խմբագրությունը։ Լրատվական ծառայության անվանումը նա ընտրել է ըստ Իլիա Ճավճավաձեի «Վրաստանի մոանբեի»։ Մինչ այդ առաջին լրատվական թողարկումը, որը հեռարձակվել է 1958 թվականին, կոչվում էր «Վերջին լուրեր»։

«Մոամբեն» սկսեց իր ամենօրյա հեռարձակումը հեռուստատեսության ստեղծումից տասը տարի անց։ Տարիների ընթացքում փոխվել են հաղորդավարները։ «Մոամբեն» տարիներ շարունակ մնացել է երկրում տեղեկատվության միակ աղբյուրը։ Հանրային հեռարձակողի արխիվում պահպանված եզակի կադրերից են «Մոամբի» օպերատորների կողմից նկարահանված ազգային շարժումը, անկախության առաջին տարիները, Աբխազիայի պատերազմը և նորագույն պատմության այլ կարևոր իրադարձություններ։

Այսօր լրատվական հաղորդումը ուղիղ հեռարձակվում է ժամանակակից տաղավարից։ Տեղեկատվական ծառայությունը տեղեկատվություն է փոխանցում մի քանի հարթակներում՝ հեռուստատեսությամբ, ռադիոյով և կայքէջում: Հանրային հեռարձակողի մեդիա արտադրությունը թարգմանվում է էթնիկ փոքրամասնությունների լեզուներով։

«Ուզում եմ, որ լրատվական ծառայությունը, որն այս տարի դարձավ 56 տարեկան, լինի ամենահուսալի, օբյեկտիվ, հավասարակշռված բոլորի, հին սերնդի, նոր սերնդի, հատկապես նոր սերնդի համար: Չմոռանան անցյալը, որը հաճախ լի էր մարտահրավերներով, բայց ալիքը միշտ կարողանում էր գլուխ հանել այդ ամենից։ Այն հեռարձակվում է 1956 թվականից, և այս տարի մենք շնորհավորում ենք «Մոամբեին» ևս մեկ մեծ օրվա կապակցությամբ»,- ասել է Վրաստանի Առաջին ալիքի գլխավոր տնօրեն Թինաթին Բերձենիշվիլին։