Զբոսաշրջության համաշխարհային օրվան նվիրված միջոցառման շրջանակում ներկայացվել է «Tourism Doing Business. Investing in Georgia» ուղեցույցը, որը միավորում է Վրաստանի ներդրումային և զբոսաշրջային ներուժի մասին տեղեկատվությունը:

Ուղեցույցը հրատարակվել է ՄԱԿ-ի զբոսաշրջության կազմակերպության կողմից, որի պատրաստմանն ակտիվորեն մասնակցել է էկոնոմիկայի նախարարության «Արտադրիր Վրաստանում» թիմը։ Այն հասանելի կլինի ինչպես առցանց, այնպես էլ տպագիր տարբերակով:

Զբոսաշրջության համաշխարհային օրվան նվիրված միջոցառմանը գործակալության տնօրեն Միխեիլ Խիդուրելին ներկայացրեց Վրաստանի ներդրումային հնարավորությունները։

«Մենք Վրաստանի ներդրումային ներուժը ներկայացրեցինք համաշխարհային զբոսաշրջային արդյունաբերությանը»,- ասել է Միխեիլ Խիդուրելին։

2023 թվականի գարնանը ՄԱԿ-ի Զբոսաշրջության համաշխարհային կազմակերպության Եվրոպական հանձնաժողովի անդամ 38 երկրները միաձայն աջակցեցին վրացական պատվիրակության նախաձեռնությունը՝ 2024 թվականին Վրաստանում նշելու Զբոսաշրջության համաշխարհային օրը։ Զբոսաշրջության համաշխարհային օրը նշվում է ՄԱԿ-ի Զբոսաշրջության համաշխարհային կազմակերպության (UN Tourism) կողմից 1979 թվականից՝ ամեն տարի սեպտեմբերի 27-ին։

ՄԱԿ-ի զբոսաշրջության կազմակերպության հովանու ներքո Վրաստանն առաջին անգամ հյուրընկալեց Զբոսաշրջության համաշխարհային օրվա միջոցառումը։

Տեղեկությունը տարածում է «Արտադրիր Վրաստանում» գործակալության մամուլի քարտուղարությունը։