Ավարտվել է Միխեիլ Թամարաշվիլիի պողոտայի և Ճաբուա Ամիրեջիբիի մայրուղու խաչմերուկի ճանապարհային հանգույցի շինարարությունը։

Տեղում է եղել Թբիլիսիի քաղաքապետ Կախա Կալաձեն՝ իր տեղակալներ Անդրիա Բասիլայայի և Իրակլի Բենդելիանիի հետ։

«Ավարտեցինք նոր ճանապարհի և Թամարաշվիլի պողոտայի հանգույցի նախագիծը։ Արդյունքում մենք կկարողանանք մեծացնել թողունակությունը։ Կլուծվի նաև հասարակական տրանսպորտի հետ հակամարտող մեքենաների խնդիրը։ Երթևեկությունը կկարգավորվի լուսացույցներով։ Այսօրվանից ճանապարհի այս հատվածը կբացվի։ Մնում են կանաչապատման աշխատանքները, որոնք կտևեն չորսից հինգ օր»,- ասել է Կալաձեն։

Աշխատանքների ավարտը Մայրաքաղաքի քաղաքապետի հետ միասին դիտել են, քաղաքային խորհրդի նախագահ Գիորգի Տղեմալաձեն, ենթակառուցվածքների զարգացման քաղաքային ծառայության ղեկավար Գիորգի Աբութիձեն, Վակեի շրջանի գամգեբելի Պաատա Տոգոնիձեն, Սաբուրթալոյի շրջանի գամգեբելի Գիզո Վասաձեն և «Թբիլսերվի գրուպ»-ի ղեկավարը։

Ծրագրի շրջանակներում նշված տարածքում կազմակերպվել են երկու բարձրացող և իջնող թեքահարթակներ, որոնց համար կառուցվել են երկաթբետոնե կրող պատեր։ Տեղադրվել է նաև արտաքին լուսավորության ցանց՝ լուսադիոդային լապտերներով։ Հետիոտների համար մայթեր են կազմակերպվել, մի քանի շերտ ասֆալտապատվել։ Կատարվել է երթևեկելի մաս և տեղադրվել լուսացույցներ, որոնց միջոցով կարգավորվում է խաչմերուկում երթեւեկությունը։

Նշված նախագիծը ֆինանսավորվել է մայրաքաղաքի բյուջեից 1,7 մլն լարիով, իսկ աշխատանքներն իրականացրել է քաղաքապետարանի ենթակառուցվածքների զարգացման քաղաքային ծառայությունը։