Միխեիլ Սարջվելաձեն Մանկական ուռուցքաբանության միջազգային օրվա կապակցությամբ այցելել է Իաշվիլիի անվան մանկական կենտրոնական հիվանդանոց
Փետրվարի 15-ը մանկական քաղցկեղի դեմ պայքարի միջազգային օրն է։ Այս օրը օկուպացված տարածքներից հարկադիր վերաբնակների, աշխատանքի, առողջապահության և սոցիալական պաշտպանության նախարար Միխեիլ Սարջվելաձեն այցելել է Իաշվիլիի անվան մանկական կենտրոնական հիվանդանոց:
Միխեիլ Սարջվելաձեն շնորհավորել է ուռուցքաբանական ախտորոշմամբ բուժումն ավարտած հիվանդներից մեկին՝ ապաքինման կապակցությամբ։
Սարջվելաձեն այցելել է նաև այլ շահառուների և տեղում ծանոթացել նրանց բուժման ընթացքին:
Առողջապահության նախարարը նշել է, որ երեխայի լավագույն շահերի պաշտպանությունը նախարարության առաջնահերթությունն է, և այդ նպատակով կշարունակվեն և կզարգանան հիվանդների համար բարձրորակ բժշկական ծառայությունների հասանելիությունը ապահովող ծրագրերը։
Միջոցառմանը ներկա էին բժիշկներ, բուժքույրեր, վարչակազմի ներկայացուցիչներ և «Բերի Անդրիա» բարեգործական հիմնադրամի հիմնադիր Թինաթին Չխվիմիանին։
Ուռուցքաբանական ախտորոշմամբ մինչև 18 տարեկան բոլոր շահառուները պետության կողմից ամբողջությամբ ֆինանսավորվող բուժում կստանան Վրաստանի, Իսպանիայի, Իսրայելի և Թուրքիայի առաջատար, բարձր տեխնոլոգիական բժշկական հաստատություններում։
Այս մասին հայտնում է Առողջապահության նախարարության մամուլի ծառայությունը։