Վրաստանի խորհրդարանի Մարդու իրավունքների պաշտպանության կոմիտեի նախագահ Միխեիլ Սարջվելաձեի խոսքով, ինքը չի հավատում, որ Նոնա Մամուլաշվիլին կարող է ընդդիմության կողմից խորհրդարանական բոյկոտի գաղափարը հանրաճանաչ դարձնել։

Նրա խոսքով, Նոնա Մամուլաշվիլին սխալվել է՝ լքելով խորհրդարանը։

Ինչպես նշում է Սարջվելաձեն, Մամուլաշվիլին այժմ փորձում է համախմբել իր կողմնակիցներին։

«Կարծում եմ՝ տիկին Նոնան սխալվեց, երբ դուրս եկավ խորհրդարանից։ Չնայած այն հանգամանքին, որ պատգամավորական գործունեության մի քանի ամիսների ընթացքում նա դեռևս ոչ մի կարևոր բան չի արել, բացի նրանից, որ մի քանի տհաճ քայլերով տպավորվել է հանրության շրջանում։ Կարծես թե նա ընկալում է սեփական սխալն ու ընդհանրապես սխալ վերաբերմունքը խորհրդարանական աշխատանքներում ընդդիմության ներգրավվածության ու դերակատարության վերաբերյալ, այժմ փորձում է ինչ-որ կերպ համախմբել համախոհներին այս ուղղությամբ։ Չեմ կարծում, որ դա ճիշտ ուղղություն է, քանի որ չեմ կարծում, որ նա այս տեսանկյունից մեծամասնություն է կազմում, այդ թվում՝ իր կողմնակիցների շրջանում»,- ասել է Սարջվելաձեն։

Նոնա Մամուլաշվիլին և Գիորգի Խվեդելիանին հանդես են գալիս նախաձեռնությամբ՝ «Ազգային շարժման» նախագահի ընտրություններին ավելացվի հարց, թե արդյոք «Ազգային շարժումը» պետք է լքի խորհրդարանը։