Միխեիլ Սաակաշվիլին հայտարարում է, որ Լեհաստանի բարձրագույն պարգեւներից մեկը՝ «Պրոմեթեւսի մրցանակը», կշնորհվի ազատության համար պայքարում ներդրած ավանդի համար
Ապրիլի 14-ին Միխեիլ Սաակաշվիլին կպարգևատրվի Լեհաստանի բարձրագույն պարգևներից մեկով՝ «Պրոմեթևսի մրցանակով»՝ ազատության համար պայքարում ներդրած ավանդի համար։ Այս մասին տեղեկությունը սոցցանցում է տարածում ինքը՝ Վրաստանի նախկին նախագահ Միխեիլ Սաակաշվիլին։
«Վարշավայում մրցանակաբաշխությանը հրավիրված են պատվիրակություններ Ուկրաինայից, Վրաստանից և Ֆրանսիայից։ Նաև Լեհաստանի կառավարությունը ներկայացված կլինի ամենաբարձր մակարդակով»,-ասել է Սաակաշվիլին ֆեյսբուքյան իր էջում կատարած գրառման մեջ։