Վրաստանի նախկին նախագահ Միխեիլ Սաակաշվիլիի խոսքով՝ այսօրվանից նա անժամկետ հացադուլ է հայտարարել։

«Այսօրվանից հայտարարում եմ անժամկետ հացադուլ՝ ամբողջությամբ։ Դա հացադուլ է, արձագանք այն բանի վրա, թե ինչպես է վարչախումբը վերաբերվում ինձ և իմ ժողովրդին, մեր ժողովրդին։ Այստեղ իմ առողջությունն երկրորդական է։ Թող բոլորը տեսնեն, թե ինչ է նշանակում սիրել հայրենիքը։ Թող բոլորը տեսնեն, թե ինչ է նշանակում փառասիրություն, եթե քո սեփական երկիրը վեր ես դասում հարմարավետությունից և ամեն ինչից: Միայն հիմարները կարող են հավատալ իմ առաջադրած մեղադրանքներին։ Սկսած կոստյումների գործից, ներում շնորհելուց և այլն»,- ասել է Սաակաշվիլին այսօրվա դատավարության ժամանակ։

Նա ևս մեկ անգամ բացատրեց, թե ինչի հետ է կավում հացադուլ սկսելը:

«Իմ խնդրանքն է՝ ապահովել համարժեք առողջապահություն, ինչպես պահանջել են Ժողովրդական պաշտպանի խորհուրդը և «Էմպաթիա» կենտրոնը։ Համոզված եմ, որ միջազգային փորձագետները ճիշտ նույն բանը կասեին։ Սա կոնկրետ պահանջ է։ Սա այլևս մեղավոր, ահաբեկված բժշկի բերելու, հետո ամուսնուն աշխատանքից ազատելու կամ երեխային ինստիտուտից հեռացնելու կամ զանազան այլ հնարքներ չէ, որոնք ես արդեն լավ տիրապետել եմ համակարգի մաֆիոզ Վրաստանում։ Դա նրանց չի հաջողվի»,- ասել է Սաակաշվիլին։