Հիմա քաղաքական ինտրիգների ժամանակը չէ: Ես տեսա նախագահ Մարգվելաշվիլիի սկզբունքային դիրքորոշումը, ինչի համար շատ շնորհակալ եմ,- այս մասին գրում է Վրաստանի նախկին նախագահ Միխեիլ Սաակաշվիլին սոցցանցում և տարածում իր ստորագրած խնդրագիրը։

«Հաղթանակի կոալիցիա – «Միացյալ ազգային շարժում»-ը մասնակցում է ընդհանուր հավաքին և ես իրենց եմ ներկայացնում իմ ստորագրած միջնորդությունը։ Որպես Պուտինի և նրա ռուսական ռեժիմի անձնական բանտարկյալ, բայց միևնույն ժամանակ նախագահ, ով առաջին անգամ ծածանեց եվրոպական դրոշը Վրաստանում, ես համոզված եմ կարգավիճակ տալու անհրաժեշտության մեջ։ Մնացածը մենք պետք է անենք Վրաստանում։

Ես նաև աջակցում եմ Ուկրաինայի հետ անդամակցության բանակցությունների մեկնարկին։ Որքան էլ ռուսական ռեժիմը փորձում է ինձ զրկել դեպի Եվրոպա շարժման մեջ իմ ներդրումը, բոլորը լավ են հիշում, որ իմ օրոք Վրաստանը եռյակի առաջատարն էր, իսկ հիմա մենք հետադիմում ենք, իսկ Ուկրաինան մեզ առաջ է քաշում», – ասում է Միխեիլ Սաակաշվիլին։